XX. mendeko Euskararen Corpus estatistikoa

Testuingurua

Kontu Kontari Pelota gora, pelota beera, bestetaz etzan itzegin jun dan igandean.

Zenbat milla pertsonek ikusi ote zuten Anoetako neurketa telebixta bidez?.

Pelotak asko esan nai du oraindik euskaldun jendearentzat, jokatzeko len ainbat zaletasun ezpadago ere.

Danok dakigu zer gertatu zan.

Retegi bigarrenak errez menderatu zun Tolosa; berak uste baiño errezago, dudarik gabe.

Pelotazale asko etziran arritu gertatu zanerekin.

Uste osoa baizeukaten erasundarraren nagusitasunean.

Beste askotxo, bai, egia esan.

Sinisturik baizeuden amezketarrak lan txarrak emango zitula.

Au onela izatea ez da arrigarri.

Pelotan bezala beste edozein kirol neurketetan, iritzi ezberdiñak izaten dira, bat baten alde ta bestea bestearen alde.

Dana dala, bakoitzari berea ematen jakin bear degu beti.

Retegi bigarrena pelotari osoa dala ez dago ukatzerik.

Anka, buru, gerri ta beso, danetik dago ondo ornitua.

Eskuzko pelotak txapeldun aundi ta txalogarriak eman baditu, Retegiren izena aztu eziñezkoa da.

Pelotaren istorian beti aitatuko dan izen bat.

Egia da urtetan aurrera dijoala, baiña osasunak laguntzen diola, ari txapela kentzen ez da erreza izango.

Gazterik ez da nabarmentzen, zorigaitzez, eta ontatik txapeldun jarraitzeko arrixkua.

Beti bezala, batzuk pozetan, eta beste batzuk pena, partidu orren zai geunden eta badakigu ondorena.

Txapelez ondo dago Retegi, jantzi du amargarrena, bi burrukatzen diran guztian batek bear du onena.

Urretxu-Zumarragako Erri Kirol Alkarteak, Urretxu Zumarragako Udalen babesean, Gipuzkoako Aizkolari Txapelketa eratu du.

Kanporaketa, garagarrillaren ogeitamarrean, larunbata ospatuko da, Zumarragako Udal-Pelotalekuan.

Ordua: arratsaldeko zazpiak.

Azkena, Finala, iraillaren ogeitabian, larunbata Urretxun erabakiko da.

Finalera, lenengo lau tokietan sailkatutakoak pasako dira.

Txapelketa ontan, ala nai duten aizkolari guztiak artuko dute parte.

Baita 1989`ko bigarren maillakoen finalean parte artu zutenak ere.

Izenak emateko epea, maiatzaren azken egunean bukatzen da.

Dei zazute telefono ontara, Ino Ugarteburu jaunaz galdetuz: 72.17.16 Kanporaketan egin bearreko lana: Berrogeitamalau ontzako bi egur ebaki, irurogei ontzako bi ta irurogeitamabi ontzako beste bi.

Pago-egurrak, jakina.

Finalerako lana: Berrogeitamalau ontzako sei egur, eta irurogei ontzako sei egur.

Sari auek banatuko dira: Lenengoa, 100.000 pezeta, txapela ta garaikurra (trofeo).

Bigarrena, 80.000 pezeta ta garaikurra.

Irugarrena, 70.000 pezeta ta garaikurra.

Laugarrena, 50.000 pezeta ta garaikurra.

Kanporaketan parte artzen dun aizkolari bakoitzak, ogei milla pezetako diru-laguntza izango du.

Urretxu eta Zumarragatik eman digute atsegin, aiek ixilik egon balira nik ezin emen itzegin.

Aukera beti gauza ona da jendea mugitu dedin, / zer asmo diran esan dizutet, zeuek pentsatu zer egin.